Кара-Балта шаарынын вице-мэри Н. Рыскулбек уулунун маалыматын угуп, Кыргыз Республикасынын Чүй облусунун Кара-Балта шаарын өнүктүрүү боюнча 2024-жылга карата иш-чаралардын планы жөнүндө Кыргыз Республикасынын Министрлер Кабинетинин 2024-жылдын 8-апрелиндеги № 140-б максаттуу трансферттердин көлөмүн 1000,0 млн сомго көбөйтүү жана бул каражаттарды Кара-Балта шаарынын мэриясына иш-чаралар планын каржылоо үчүн бөлүп берүү буйругун аткаруу максатында, Кыргыз Республикасынын “Жергиликтүү мамлекеттик администрациялар жана жергиликтүү өз алдынча башкаруу органдары жөнүндө” Мыйзамынын 39, 67-беренелерине, Кыргыз Республикасынын «Мүлккө муниципалдык менчик жөнүндө» Мыйзамынын 19-беренесине ылайык Кара-Балта шаардык кеңешинин сессиясы
ТОКТОМ КЫЛАТ:
Республикалык бюджеттин максаттуу трансферттерин эске алуу менен Кара-Балта шаарынын 2024-жылга социалдык-экономикалык өнүктүрүү Программасын ишке ашыруу боюнча иш-аракеттердин өзгөртүлгөн иш-чаралар планы тиркемеге ылайык бекитилсин.
- Кара-Балта шаардык кеңешинин 2024-жылдын 4-апрелиндеги № 07 “Кара-Балта шаарынын 2023-жылга карата социалдык-экономикалык өнүктүрүү программасынын аткарылышынын жыйынтыктары жөнүндө жана Кара-Балта шаарынын 2024-жылга карата социалдык-экономикалык өнүктүрүү программасынын планын бекитүү жөнүндөгү” токтомунун 2-пункту өз күчүн жоготту деп табылсын.
- Кара-Балта шаарынын мэриясы Кара-Балта шаарынын 2024-жылга
социалдык-экономикалык өнүктүрүү Программасын ишке ашыруу боюнча
бардык тийиштүү иш-чараларды жүргүзүшсүн.
4.Кара-Балта шаарынын мэриясы менен “Дан” мамлекеттик ишканасынын ортосунда биргелешкен пайызсыз финансылык келишимдин түзүлүшү тиркемеге ылайык бекитилсин.
- Ушул токтомдун аткарылышын көзөмөлдөө бюджет, муниципалдык менчик, экономика, финансы жана инвестиция боюнча туруктуу депутаттык комиссиясына жүктөлсүн.
Кеңештин төрагасы М.Дүйшеналиев